هذي سلطه سيزار بشكل شوي مختلف عن المعتاد
ومرررررررررره لذيييييييييذه ومميزه
: المقادير
الطبقة الاولى
خس امريكي ../..بصل ابيض../..صوص الرانش../..ليمونه
يقطع الخس قطع كبيره والبصل شرائح
ويخلط مع صلصة الرانش <== كثري منها ، مع عصرة ليمون وتوضع في طبق التقديم
الطبقة الثانيه
توست../..زبده../..زعتر
ذوبي الزبده عالنار واخلطيها مع شوي زعتر
- الطريقه الاصليه كانت اوريغانو مع الزبده بس مره ماكان عندي وحطيت زعتر بداله طلع اطعم بكثيييييير -
وادهني التوست من الجهتين بالزبده وقطعيه مربعات مثل الصوره وحمريه بالفرن من فوق من الجهتين ورشيه فوق السلطه
- على فكره ترى طعم هالتوست خطيييييير دايما يخلص اكثر من نصه وانا لسه ماحطيته عالسلطه
الطبقة الثالثه
صدور دجاج فيليه تقطع اصغر من الاصبع
وتنقع في
زبادي../..ليمون../..ثوم../..ملح ../..بهارات
وتدخل الثلاجه حوالي الساعتين
بعدين تغمس ببيض مخفوق ، وبعدها بكورن فليكس مطحون
وتقلى بالزيت وتضاف للسلطه
P.S
هذي سلطتي المفضله لعشائنا
استغني عن الدجاج .. واضيف ذره مع الخس
تطلع شي وااااااااااااااااااااو وهي مررررره سهله
كروسان الدبلوماسي
دائما كنت ابي شي مالح للتقديم يكون حلو وشيك وغير عن الفطائر والبيتزا اللي مليناهم
فاقتبست هالفكره من الكروسان المحشي اللي عند الدبلوماسي
في البدايه ..الكروسان اجيبهم من مخابز الامتياز - المهنا - بالرياض مره لذيذات وطريات وصغنطوطات .. وميزتهم ينحفظون لفتره طويله بالفريزر بدون مايتغيرون
لحشوه الاولى
نفس حشوة الدبلوماسي .. دجاج بالمايونيز
المقادير والطريقه معا
دجاج مسلوق يوضع بالخلاط مع بصل اخضر وثوم ومايونيز وليمون وزيت زيتون وملح وكمون وفلفل اسود - كلهم حسب الرغبه - ويخلط بخلاط المولينكس
بعد الخلط يضاف جزر مبشور .. ونحشي فيه الكروسان ونرش عليه بقدونس مفروم
الحشوه الثانيه
مرتديلا بصوص السيزار
اخذت هالطريقه من موقع مارثا ستيوارت .. مررره لذييييييييييذ الصوص وممكن تستخذمينه للسلطه او اي ساندوتشات
صلصة السيزار
1م بارميزان../.. 2م مايونيز../.. 2م عصير ليمون../..رشة من صلصه ورشستر../..ملح وفلفل
تخلط كل المقادير سوا
ندهن فيها الكروسان
ونحط عليها مرتديلا ديك رومي../..وخس
ونصف الكروسان ونقدمه
وبالعااااااااااااااافيه
الحين نجي لـ
Pizza Pie
كمان حركه حلوه للتقديم او عالعشا .. والذ مافيها عجينتها
ترى هي نفسها عجينه دومينوز المقرمشه Thin and Crispy
يعني تقدرين تستخدمينها للبيتزا وبتطلع لك مقرمشه وخطيره
مقادير العجينه
3ك دقيق../.. 1بيضه مخفوقه../..نصف ك زبادي../..اصبع وربع زبده مذوبه
الطريقه :السوائل تخلط مع بعض
وتضاف للدقيق وتعجن جيدا ، انا احتجت زياده سائل فاضفت شوي لبن وانا اعجن
واقسميها قسمين او ثلاثه حسب ماتحبين حجم الفطيره
- انا هنا عامله مقدار ونصف - واتركيها ترتاح 10 دقايق وافرديها بس خليها مرررررره نحيفه
الحشوات
1/ تدهن بمايونيز.../..نصف عليها شرائح ديك رومي../..يرش عليها شوي فلفل رومي../..وشوي زيتون اخضر../..وجبنة موزاريللا
2/ تدهن بصلصة البيتزا../.. يحمر شرائح بيكن الديك الرومي بشوي زيت وتوضع عالصلصه
ترش بفلفل رومي شرائح../..وبصل ابيض شرائح
وزيتون اسود شرائح../.. - واذا حابه فطر -../..وجبن موزاريللا
بعد ماننتهي من الحشوات طبعا مثل الصور نكون عاملينهم على نصف العجينه ،نطوي عليهم الجهه الثانيه وقفلي الاطراف باصبعك
انقليهم لصينية الفرن ورشيهم بشوي سميد
دخليهم الفرن لحد ماتتحمر من تحت
- لا تستعجلين عليها بتاخذ شوي وقت -
وحمريها من فوق
وقدميها وبالعاااااااااااااااااااااااافيه
موضوع: طبخات حلوه .. 
