افتح شبابيك الهوى

[ندعوك للتسجيل في المنتدى أو التعريف بنفسك لمعاينة هذا الرابط]

إفتح شبابيك الهوى جيتك اليوم
بإحساس من زود الوله عده يطير

جيتك مثل طفل له أيام محروم
عن حضن أمه أبعدته المقادير

وجيتك مثل عود له أيام مهموم
وده يلاقي بأخر الوقت تقديــر

و جيتك حضن عاشق وهايم ومغروم
وده يضمك لين تصبح على خير

متى تحس إن الهوى شي مقسوم
من قسمة الخالق على خلقه يصير

ومتى تحس إني لك أطيح وأقوم
وأتعب على شانك وأقدرك وآغير

لي في هواك أحلام وأمال وعلوم
وأحزاب وأصحاب وقصيد وجماهير

وهموم وأفكار وهواجيس وحلوم
ودروب وأخطار وعذاب ومشاوير

وحب وغلا وإخلاص ومعاند ولوم
وإحساس وإلهام وشعور وتفاكير

وصحبة سهر ومقاطعة لذة النوم
وأشواق جياشه وعشق وتعابير

في ذمتك ما بان لك شي مكتوم
من بعد ما صورت الأوضاع تصوير

لا تحسب إنك شي عابر ومعدوم
و تاريخ حبك فاق كل الأساطير

في كل شي أتخيلك وأسمعك دوم
وأتأملك في الوقت الأول والآخير

من ماضي الأيام لا يومك اليوم
وغلاك عندي ماحصل فيه تغيير

وأنا لك الله ما أقبل البيع والسوم
ولا أرضى علي ولا عليك المخاسير

لاْني الوحيد إللي على بحرك يعوم
وإللي عرف مرساه في رحلة السير

لحظة حبيبي قبل يسبقني النوم
بضم صدرك لين تصبح على خير
...

الموضوع الأصلي : افتح شبابيك الهوى المصدر : منتدى لمسة احساس الكاتب: بقايا غرامك

|| توقيع العضو ~ بقايا غرامك